ليه تتعلم استخدام الكات تولز؟

مفيش شك أنّ اختراع السيارة اختراع عظيم ولكن دا ميمنعش إننا نتطلع لاختراع أعظم وهو الطيارة

الناس اللي شغالة في مجال الترجمة و بتقول أنا شغال وبترجم عادي و مش محتاج استخدم الكات تولز في شغلي

أحب أقولك مفيش مشكلة خالص بس كون إنّك رافض تتعلم استخدام البرامج دي فا دا ناتج عن عدم وعيك لأهميتها

أبسط شيء يخليك مجبر إنّك تتعلم برامج الكات تولز هو أن مفيش شركة ترجمة محترمة هتقبل بمترجم مش بيستخدم الكات تولز في شغله وفي نفس الوقت دا هيديك ميزة تنافسية تخلي احتمالية قبولك أعلى حتى لو لسه بتبدأ في المجال

لكن لو على المستوى الشخصي وانت شغال مترجم حر فأكيد انت شخص بيقدس الوقت وأهميته

شوف كام مرة ضيعت وقتك في ترجمة جملة اتكررت أكتر من خمس مرات في نفس

شوف كام مرة قعدت تدور على نفس الكلمة اللي تخدم سياق الجملة والتخصص اللي بتترجم فيه مع إنّك ترجمتها قبل كدا بس ناسي

أنا مش بقولك الكلام دا عشان أحبطك بس عاوزك تعرف قيمة المجال اللي انت شغال فيه وحجم التطور اللي بيحصل فيه كل فترة

صدقني لو مش بتقرأ وتتعلم في المجال دا يومياً هتختفي لأن العصر اللي احنا فيه بقى بيشوف أكتر شخص عنده مهارات في تخصصه ومبقاش يكتفي بشخص بيعرف يعمل الحاجة فقط

خد بالك أن مجال الترجمة مش مقتصر على خريجي كليات اللغات والترجمة فقط ولكن دلوقتي اصبح أي شخص مستواه كويس في اللغة يقدر يتعلم من المصادر المجانية الكتيرة المتاحة أو الكورسات المدفوعة انه يبقى مترجم ويقدم نفسه في السوق

فلازم تكون عارف تعمل ايه عشان تتميز عن اللي حواليك وتكتسب مهارات أكتر تساعدك على انهاء شغلك في أسرع وقت وبجودة عالية

Follow us : Land of Languages

:اقرأ أيضا

يعني ايه كات تولز؟

Leave a comment

Minimum 4 characters